Азербайжанд өнгөрсөн ням гаригт Милли Межлис буюу тус улсын парламентын сонгуульд эрх баригч Шинэ Азербайжан нам ялжээ. Тус нам сонгуулийн 125 тойргоос 71-т нь ялснаар улиран дангаар эрх барихаар болсон байна. Парламентын сонгуулиар бие даагч нар 42 тойрогт ялсан бол Иргэний эв санааны нэгдлийн нам хоёр, бусад 10 нам тус бүртээ нэг суудал авсан аж. Сонгуулийн урьдчилсан дүнгээс үзэхэд сонгогчдын 55.7 хувь буюу нийг 2.89 сая иргэн санал хураалтад оролцжээ. Энэ удаагийн сонгуулиар Ерөнхийлөгч Ильхам Алиевийн эхнэр Мехрибан Алиева гурав дахь удаагаа хууль тогтоох байгууллагад сонгогдсон байна.