Хятад улс 2016 оноос сансрын хар нүх судалж эхлэх болсон талаар тус улсын сансар судлалын төвийн дарга У Цзи мэдэгдлээ. Тэрбээр “Хятад улс шинжлэх ухааны зорилгоор дөрвөн хиймэл дагуул хөөргөхөөр бэлтгэж байна. Эдгээр хиймэл дагуулын нэгийг хар нүх судлах зорилгоор ашиглана. Хар нүх судлах хиймэл дагуулыг “Цзюцюань” сансрын төвөөс ирэх сарын сүүлээр хөөргөнө. Мөн ирэх оны зургадугаар сард “SJ10” хиймэл дагуулыг судалгааны зориулалттай хөөргөхөөр төлөвлөсөн” гэжээ.