Японы компаниуд хөрөнгө оруулалтаа 1.3 хувиар бууруулсантай зэрэгцээд энэ оны гуравдугаар улиралд тус улсын ДНБ-ий хэмжээ буурсан дүн мэдээ гарчээ. Урьдчилсан дүн мэдээллээс үзэхэд Японы эдийн засаг энэ онд хоёр дахь улирал дараалан буурч, жилийн дүнгээр тооцоход 0.8 хувиар агшсан нь судлаачдын дэвшүүлж байсан таамгаас дөрөв дахин их аж. Мөн Парист халдлага болсны дараа Азийн хөрөнгийн биржүүдэд хувьцааны үнэ буурч эхэлсэн байна.