Германы канцлер А.Меркель тус улсад ирэх цагаачдын урсгалыг багасгана гэдгээ Христийн ардчилсан холбоо намын их хурлын үеэр мэдэгджээ. “Цагаачдын тоог цөөрүүлэхийг бид ч хүссэн ба үүнийгээ хэрэгжүүлж чадна” хэмээн тэрбээр хэлсэн байна. Энэхүү мэдэгдлийг намынх нь гишүүд босч, алга ташин хүлээн авсан аж. Германы канцлер энэхүү түвэгтэй асуудлыг дипломат арга замаар шийдвэрлэснээр Европын холбоо түүхэн сорилтоо давж чадна гэдэгт итгэж байгаагаа илэрхийлжээ. А.Меркель цагаачдын урс галыг хорогдуулахаа мэдэгдсэн ч Герман улсад хүлээж авах боломжтой цагаачдын тоог хэлэхээс татгалзсан байна. Тэрбээр “Биелүүлэх боломжгүй ам лалт авахгүй” хэмээн үүнийгээ тайлбарлажээ. Германы Христийн ард-чил сан холбоо намын энэ удаагийн их хурлаар намын тэргүүнийг сонгох асуудлыг хэлэлцсэнгүй. Одоо 61 настай А.Меркель 2005 оноос хойш тус нам болон Германы гүйцэтгэх засгийн тэргүүнээр ажиллаж байна.

Д.Болд