АНУ-ын Лос Анжелес хотноо мягмар гаригт халдлага гарч болзошгүй тухай мэдээлэл авсны дараа бүх сургууль, коллежийг түр хугацаагаар хаажээ. Үл мэдэх этгээдээс хэдэн сургуулийн байранд тэсрэх бодистой цүнх орхисон тухай захидал цахим шуудангаар авсны дараа орон нутгийн эрх баригчид 900 гаруй сургуулийг хаахаар шийдвэрлэсэн аж. Лос Анжелесийн тойрогт нийт 900 мянга гаруй сурагч, оюутан суралцдаг байна.