Хятад, Өмнөд Солонгосын хооронд байгуулсан чөлөөт худалдааны гэрээ үйлчилж эхэлснийг Хятадын хэвлэлүүдэд мэдээлжээ. Гэрээний заалтууд хэрэгжсэнээр хоёр талд түнш-лэлээ бэхжүүлэх шинэ болом-жууд бий болж, Өмнөд Солон-госын компаниуд импор тын гаалийн татвар буурснаас 5.44 тэрбум ам.доллар хэм-нэх аж. Уг баримт бичигт зааснаар Хятад улс ирэх 10 жилийн хугацаанд Өмнөд Солонгосоос импортолдог бараа бүтээгдэхүүний 71 хувьд (5800 нэр төрөлд) ногдуулах татварыг тэглэх юм. Өмнөд Солонгос Хятадаас импортолдог бараа бүтээгдэхүүний 79 хувьд (5800 нэр төрөлд) нь ногдуулдаг татвараа цуцална. Хорин жилийн дараа эдгээр үзүүлэлтийг тус бүр 91, 92 хувь хүртэл нэмэгдүүлэх аж. Өмнөд Солонгосын хувьд Хятад нь худалдааны хамгийн том түнш орон нь юм. Тухайлбал, 2014 онд Өмнөд Солонгосын экспортын бүтээгдэхүүний 25 хувийг Хятадад худалдаж, хоёр орны худалдааны эргэлт 290.5 тэрбум ам.долларт хүрсэн байна. Чөлөөт худалдааны гэрээ хүчин төгөлдөр болсноор ирэх 10 жилийн хугацаанд хоёр орны худалдаа дор хаяж 40 хувиар өснө гэж шинжээчид дүгнэжээ.

Д.Болд