Жүжигчин Леонардо ди Каприогийн бүтээсэн дүрүүд олон янз байдаг. 20 орчим жил кинонд тоглохдоо Лео сонирхолтой олон дүрийг бүтээсэн. Түүний мөрөөдөлд хэд хэдэн хүний дүрийг бүтээх хүсэл оршиж байдаг гэдгийг тэрбээр ярьжээ. Тэдгээрийн нэг нь ОХУ-ын Ерөнхийлөгч Владимир Путин гэнэ. Леонардо Путинтэй биечлэн танилцсан удаатай. 

        Энэ талаар тэрбээр “Миний хувьд Владимир Путины дүрийг бүтээх нь нэр төрийн хэрэг бөгөөд маш их туршлага хуримтлуулсан зүйл болно. Мөн би нас ахих тусам Оросын хувьсгалын их удирдагч Владимир Ленинтэй их төстэй болж байгаа тул түүний дүрийг бүтээх болно” гэж ярьжээ. Лео хүү хүсэн хүлээсэн “Оскар”-ын шагналаа энэ онд авах өндөр магадлалтай байгаа билээ.