Их Британийн бизнес эрхлэгчид Европын холбоонд үлдэхийг дэмжиж байна.Европын холбоог орхисноор ажлын байр цөөрч, эдийн засаг эрсдэлтэй тулгарах аж. Холбооны бүрэлдэхүүнээс гарснаар гаднаас орж ирэх хөрөнгө оруулалтын хэмжээ буурна гэж томоохон компанийн удирдлагууд үзжээ. Мөн Их Британийн Ерөнхий сайд Дэвид Камерон Европын холбооноос гарсан тохиолдолд ажил эрхлэгчдэд хүндээр тусахыг сануулсан байна. Таван зуун сая хүн амтай Европын зах зээлд үлдсэнээр тус улсын хувьд өсч хөгжих, хөрөнгө оруулалт татах, шинээр бизнес хийх хязгааргүй их боломж бий болох аж. Гэхдээ тус улсын томоохон компаниудын гуравны хоёр нь энэ саналд хараахан нэгдээгүй байгаа юм байна.

Ц.Туяа