Монголбанкны ерөнхийлөгч, УИХ-ын гишүүн, Эдийн засгийн хөгжлийн дэд сайд асан О.Чулуунбат өнөөдөр өглөө 5:00 цагийн үед зуурдаар таалал төгссөн байна. Тэрээр өнгөрсөн хугацаанд биеийн байдал хүнд, Япон улсад эмчилгээ хийлгэж байсан юм. Монголын шилдэг эдийн засагчдын нэг тэрээр 1958 онд нийслэлийн Сүхбаатар дүүрэгт мэндэлсэн. 1965-1975 онд нийслэлийн 21 дүгээр дунд сургуулийг төгсч, 1957-1676 онд Эрхүүгийн Их сургуулийн хэлний бэлтгэл курс, 1976-1981 онд Москвагийн Олон улсын харилцааны дээд сургуульд “Олон улсын санхүү, хөрөнгө оруулалт”-ын чиглэлээр суралцаж төгсчээ.

1981-1987 онд Улсын банкны Ерөнхий хорооны Гадаад тооцооны газарт ахлах эдийн засаг,ч 1987-1990 онд Эдийн засгийн хамтын ажиллагааны Олон улсын банкинд ахлах зөвлөх, ахлах дилер, 1990-1991 онд Монголбанкны ерөнхийлөгчийн зөвлөх 1991-1992 онд Хувийн секторт зөвлөх, 1992-1993 онд ХОТШ банкны нэгдүгээр орлогч захирал, 1993-1996 онд Монголбанкны тэргүүн дэд ерөнхийлөгч, 1996-2000 онд АНУ-ын Нью-Йорк хотноо Салес Капитал маркет пүүст ахлах трейдэрээр ажиллаж байсан. Түүнчлэн 2000-2006 онд Монголбанкны ерөнхийлөгч, 2008-2012 онд УИХ-ын гишүүн, 2012-2014 онд Эдийн засгийн хөгжлийн яамны дэд сайдаар ажиллаж байсан.

О.Чулуунбат агсны гэр бүл, үр хүүхэд, төрөл төрөгсдөд нь гүн эмгэнэл илэрхийлье.