ОХУ-ын Сангийн сайд асан А.Кудрин тус улсад тулгарсан бэрхшээлүүд нь газрын тосны үнэ, хүн амын хөгшрөлт, эдийн засгийн бодит салбарт төрийн оролцоо их, засгийн эрх мэдэл хэт төвлөрсөнтэй холбоотой хэмээн дүгнэжээ. Тэрбээр хүүхэд залууст санхүүгийн мэдлэг олгох долоо хоногийн хүрээнд Умард туйлын их сургууль дээр нээлттэй лекц унших үеэрээ энэ тухай ярьсан байна. А.Кудрин ОХУ эдийн засгийн өнөөгийн бэрхшээлийг даван туулахын тулд инновацид хөрөнгө оруулахаа нэмэгдүүлж, үйлдвэрлэлийн шинэ, ирээдүйтэй салбаруудыг хөгжүүлэх хэрэгтэй гэжээ. Сайд асан Оросын эдийн засагт бий болсон бүтцийн доголдлыг шийдвэрлэхгүй байгаагаас ДНБ-ий өсөлт ойрын ирээдүйд 1-2 хувиас илүү өсөхгүй гэдгийг хэлсэн байна. Гэтэл Оросын хувьд эдийн засгаа жилд тав ба түүнээс дээш хувиар өсгөх шаардлага тулгарч, энэ зорилтод хүрэхийн тулд тухайн асуудлуудыг ал хам алхмаар шийдвэрлэх шаард-лагатай байгааг өгүүлжээ. Мөн тэрбээр газрын тосны түүхий эдийн үнэ 2014 оны хямралаас өмнөх үеийн хэмжээнд хэзээ ч хүрэхгүй, ойрын хэдэн жилдээ 30-50 ам.долларын төвшинд эр гэл-дэнэ гэдгийг хэлжээ. А.Кудрин “Хэдэн жилийн дараа ажил эрхэлдэг хоёр хүнд тэтгэврийн насны нэг хүн ногдож, удалгүй энэ харь цаа 1:1 болно. Тэр үед тэтгэвэртээ гарсан өндөр настнуудыг зохих хэмжээнд дэмжихэд бэрхшээл тулгарна. Энэ байдлаас гарахын тулд хөдөлмөрийн бүтээмжийг дээшлүүлэх шаардлагатай” гэжээ.

Д.Болд