“Mossack Fonseca” хуулийн фирмийн улстөрчид болон чинээлэг эрхмүүдэд оффшор данс нээхэд тусалсан үйл ажиллагааг илчилсэн баримтад 12 Төрийн тэргүүн нэр холбогдсон билээ. Тэдгээрийн нэг Их Британийн Ерөнхий сайд Дэвид Камерон оффшор дансанд нууц хөрөнгө эзэмшиж байснаа хүлээн зөвшөөрлөө. Тэрбээр талийгаач эцгийнхээ оффшор санд 5000 нэгж хувьцаа эзэмшиж байсан нь үнэн болохыг албан ёсоор мэдэгдэв. Гэхдээ Ерөнхий сайдаар сонгогдохоос өмнө оффшор санд эзэмших хувьцаагаа 30 мянган фунт стерлингээр худалдаж, Их Британийн хуулийн дагуу татвар төлсөн гэжээ. Мөн “Манай гэр бүл оффшор данснаас ашиг хүртдэггүй” гэсэн байна.

Д.Болд