Японы Нагасаки хотын дарга АНУ-ын атомын бөмбөгдөлтийн хор уршиг арилаагүй байгаа тухай мэдэгдээд АНУ-ын Ерөнхийлөгч Барак Обамаг хотдоо урьсан байна. Нагасаки хотын мэр Томихиси Тауэ энэхүү урилгаа“Их7”-ийн орнуудын Гадаад хэргийн сайдуудын хүндэтгэлийн уулзалтын үеэр Япон дахь АНУ-ын Элчин сайдын яамны ажилтнаар дамжуулан уламжилжээ. Тэрбээр “АНУ тэргүүтэй орны Гадаад хэргийн сайдууд атомын бөмбөгдөлтийн хор хөнөөлийг амссан хотод зочилсон нь чухал үйл явдал боллоо. Ирэх сард болох “Их7”-ийн удирдагчдын уулзалтын үеэр АНУ-ын Төрийн тэргүүнийг Нагасаки хотод зочлохыг урьж байна” гэж сэтгүүлчдэд ярьжээ. Хирошима, Нагасаки хотын удирдлагууд олон жилийн турш АНУ-ын Төрийн тэргүүнийг нутагтаа урьсан билээ.

Д.Болд