“iPhone”-ийг үйлдвэрлэгч, Тайванийн “Foxconn Technology” групп Японы “Sharp” компанийг худалдан авчээ.Тус компани "Sharp”-ийн нийт хувьцааны гуравны хоёр 389 тэрбум иен буюу 3.5 тэрбум ам.доллараар худалдан авч байгаа аж. Төлбөрийн урьдчилгаа болгон 100 тэрбум иенийг “Sharp”-ийн данс руу шилжүүлжээ.

Японы цахилгаан хэрэгслийн ууган компаниудын нэг “Sharp”-ийн 105 жилийн түүхийг хүндэтгэн ажиллах болно гэдгээ “Foxconn Technology”-ийн ТУЗ-ийн дарга мэдэгдсэн байна. Японы Төрийн өмчит “Innovation Network” корпораци “Sharp”-ийг дотоодын компанийн өмч хэвээр хадгалахын тулд худалдан авах санал тавьсан ч “Foxconn Technology”-ийн саналыг давуулж чадаагүй аж. “Sharp” компани зээлдэгч банкуудтай тохиролцож, өрийн бүтцээ өөрчилсний дүнд 2015 оны өрийн зардлыг 7.2 тэрбум иенээр бууруулахаар болоод байгаа юм.

О.Түвшин