Монгол Улсын засгийн газрын 146 тоот тогтоолоор “чанарын болон байгаль орчны удирдлага /менежмент/”-ыг дэмжих үндэсний хөтөлбөрийг 2002 оны 7 дугаар сард, төрийн байгууллагад чанарын удирдлагын тогтолцооны ОУ-ын ISO9000 стандартыг хэрэгжүүлэхээр Монгол Улсын засгийн газрын 265 тоот тогтоолыг 2008 оны 6 дугаар сард  тус тус баталсан. Баталгаажуулалтын зөвлөлийн ээлжит хурлын шийдвэрээр  Чанарын удирдлагын тогтолцоог ISO 9001:2008/MNS ISO 9001:2010/ ОУ-ын стандартын дагуу нэвтрүүлснийг баталгаажуулсан гэрчилгээг Стандартчилал Хэмжил Зүйн Газраас дараах аж ахуйн нэгж,  байгууллагуудад шинээр болон хугацааг сунган олголоо.

Гэрчилгээг шинээр олгосон  байгууллага, аж ахуйн нэгж:

1. Олон улсын хүүхдийн “Найрамдал” төв  – 3 жил
2. “Чингис хаан” ОУ-ын нисэх буудал  – 2 жил
3. Орхон аймгийн Засаг даргын тамгын газар  – 3 жил
4. Клиникийн 2 дугаар нэгдсэн эмнэлэг  – 2 жил
5. “Бласт” ХХК  – 2 жилийн хугацаатай шинээр

Гэрчилгээний хугацааг сунгаж олгосон аж ахуйн нэгж, байгууллага:

1. Олон улсын тээвэр зууч “Туушин” ХХК – 3 жил
2. ИНЕГ-ын Нисэхийн аюулгүй ажиллагааны хяналт зохицуулалтын алба – 3 жил
3. “Бридж констракшн” ХХК – 3 жил
4. “Говь” ХХК – 3 жилийн хугацаатай тус тус сунгажээ.