Хөдөлмөрийн намын гишүүн Садик Хан Лондон хотын захирагчаар сонгогдлоо. Өдгөө 45 настай Садик нь Лондон хотын анхны муслим шашинтай дарга юм. Британийн муслим шашинт иргэдийн 12 хувь нь Лондонд амьдардаг. Тэрбээр сонгогчдоос 1,3 сая санал авч, консерватив намын өрсөлдөгч Зак Голдсмитийг 315 мянган хүний саналаар илт давуу ялжээ. Шинэ хотын даргын эхний ээлжид хийхээр төлөвлөсөн ажил нь нийтийн тээврийн хүрэлцээ, “хөгшин” барилгуудын ашиглалтын асуудал гэнэ. Садик нь Пакистанаас цагаачлан ирсэн найман хүүхэдтэй айлын дунд хүү бөгөөд хүний эрхийн хуульч мэргэжилтэй юм.

А.Даваа