Г.Баярсайхан Хөдөлмөрийн сайдаар томилогдсоныхоо дараахан мэргэжлийн боловсрол, сургалтын салбарын хэд хэдэн газраар орж, сургалтын үйл ажиллагаатай нь танилцахын хамт тодорхой үүрэг даалгавруудыг өгсөн. Тэдгээрийн нэг нь Монгол-Солонгосын политехник коллежид автомашины кузов засварын анги нээх тухай байсан юм.

Энэ салбарт монголчууд биш гаднаас ирж буй ажиллах хүчин ажиллаж, бизнесийн ашиг орлого гадныханд наалдаж буй урсгалыг зогсооход бодитой хувь нэмэр үзүүлнэ хэмээн Хөдөлмөрийн сайд үзсэн учраас шинэ мэргэжил нээхэд нэлээд ач холбогдол өгч ажилласан. Монгол-Солонгосын политехник коллежид намар нээгдсэн 22 сурагчтай автомашины кузов засварын анги төгсөлтөлтийн баяраа хийхэд бэлэн болжээ.

Суралцагчид авто машины кузов засвар, эвдрэл гэмтлийг бүрэн засах чадвар эзэмшсэн гэж ангийн багш Н.Өлзийсайхан онцолсон юм.

Т.Амараа