Сирийн Идлиб мужид ОХУ-ын “Ми-8” нисдэг тэргийг сөнөөсөн талаар ОХУ-ын Батлан хамгаалах яамнаас мэдээллэжээ. Урьдчилсан мэдээгээр, цэргийн онгоцоор зорчиж явсан хүмүүс бүгд амиа алдсан байна. ОХУ-ын Батлан хамгаалах яамны мэдээллэснээр, наймдугаар сарын 1-нд буюу өчигдөр цэргийн тээврийн “Ми-8” нисдэг тэрэг Алеппо мужид хүмүүнлэгийн тусламж хүргээд, Хмейм дэх агаарын цэргийн бааз руу буцаж явжээ. Энэ үед Сирийн Идлиб мужид нисдэг тэргийг газраас буудан сөнөөсөн байна.