Оросын нэрт яруу найрагч А.Пушкины удмын залуу Хью Ричард Луи Английн хамгийн залуу тэрбумтнаар тодорчээ. Энэ тухай “Дейли мэйл” сонинд мэдээлсэн байна. Түүний эцэг Вестминстерийн гүн Жеральд энэ сарын 8-нд таалал төгссөн ба хүүдээ 14 тэрбум ам.долларын хөрөнгөө өвлүүлэн үлдээжээ. Улмаар 25 настай Хью Ричард Луи Их Британийн хамгийн залуу тэрбумтан болсон аж. Гүн Жеральд Их Британийн баячуудын жагсаалтын гуравт бичигддэг улсынхаа хамгийн баян язгууртан байсан юм. Түүний эхнэр Наталья Филипс Оросын язгууртан гаралтай ба А.Пушкины удмын хүн юм байна.