Хятадын эрх баригчид 2016 оны эхний зургаан сарын байдлаар авлигын хэргээр хилийн чинадад зугтсан 381 иргэнээ баривчлан эх оронд нь авчирсан талаар “Бээжин таймс” сонинд онцоллоо. Эдгээр гэмт хэрэгтнийг “Sky Net” сүлжээ ашиглан 40 улсаас баривчилсан байна. Тэдний 33 сэжигтнийг Интерполын шугамаар эрэн сурвалжилсан аж. Эх сурвалжид мэдээлснээр “Sky Net” сүлжээ ашиглан өнгөрсөн жил 1.4 мянган сэжигтнийг хилийн чинадаас баривчилжээ. Хятад улсын дарга Си Зиньпин их хэмжээний хахууль аваад эх орноосоо дайжсан авлигачдыг барих зорилгоор “үнэгний ав” гэж нэрлэсэн үйл ажиллагаагаа эхлүүлсэн билээ. Улмаар Хятад олон улсын сүлжээтэй хамтран ажиллах болсон юм. Бээжингийн тал гэмт хэрэгтэн шилжүүлэх асуудлаар гадаадын орнуудтай хэлэлцээр идэвхтэй хийж эхэлсэн байна.