АНУ-ын Ерөнхийлөгч Барак Обама амралтаараа уншихаар төлөвлөсөн номын жагсаалтаа олон нийтэд танилцууллаа. Тэрбээр өнгөрсөн жил дуртай дуунууд болон амралтаараа унших номын жагсаалтаа олон нийттэй хуваалцаж байсан билээ. Энэ жил мөн дуртай дууныхаа жагсаалтыг твиттэр хуудастаа нийтэлсэн билээ. Харин энэ удаад Цагаан ордны албан ёсны сайтад Барак Обамагийн уншихаар төлөвлөж буй номын жагсаалт гарчээ. Ерөнхийлөгчийн номын жагсаалтад Уильям Финнеганы "Barbarian Days: A Surfing Life" хэмээх дурсамж ном, Колсон Уайтхедын "The Underground Railroad" роман, Их Британий зохиолч Пола Хокинсын бичсэн "The Girl on the Train" нэртэй сэтгэлзүйн триллер, Хелен Макдональдын "H Is for Hawk" зохиол ба Нил Стивенсоны уран зөгнөлт "Seveneves" ном багтсан байна.