УИХ-ын чуулганы өчигдөрийн хуралдаанаар “хуучирсан төмөр замын далан”-гийн тухай яриа өрнөв. Тодруулбал, УИХ-ын гишүүн Ж.Бат-Эрдэнэ “Би Х.Баттулгыг ЗТБХБ-ын сайдаар ажиллаж байхад тухайн яаманд Төрийн нарийн бичгийн даргаар ажиллаж байсан нь үнэн. Х.Баттулга нэг нэвтрүүлэг хийгээд, миний зургийг барьчихсан энэ нөхөр гарын үсэг зурсан гээд яриад сууж байна лээ. Гэхдээ Төрийн нарийн бичгийн дарга төсвийн мөнгөн дээр гарын үсэг зурдаг. “Монголын төмөр зам” гэдэг компанийн зарцуулалт дээр зурдаггүй” гэлээ. Мөн Х.Баттулгын үед овоолоод орхисон даланг төмөр зам болгож чадах уу гэж асуусан юм.