Хүнс хөдөө аж ахуй, хөнгөн үйлдвэрийн сайд Б.Батзориг амралтын өдрүүдэд орон нутагт ажилласан байна. Тэрбээр энэ сарын 11-нд Сэлэнгэ аймгийн Зүүнбүрэн суманд, мөн Сэлэнгэ аймагт ажиллалаа. Сэлэнгэ аймагт энэ жил 56 багийн 8558 өрхөд 1.6 сая мал өвөлжинө. Аюулгүйн нөөцөд 150 тонн өвс, 30 тонн тэжээл бэлтгэхээс 100 тонн өвс, 30 тонн тэжээл бэлтгэж, өвс тэжээлийн нөөц аймгийн хэмжээнд 83,3 хувьтай байна. Аймгийн өвөлжилтийн бэлтгэл ерөнхий дүнгээр 86,3 хувийн биелэлттэй байгаа тухай мэдээллийг албаныхан өглөө.