Сар шинийн баярын амралтын өдрүүдэд нийслэлийн иргэд нийтийн тээврээр үнэ төлбөргүй зорчих шийдвэрийг нийслэлийн Засаг даргын зөвлөлийн хурлаар хэлэлцэж, дэмжлээ. 

Баярын өдрүүдэд нийтийн тээврээр иргэдэд үнэгүй үйлчлэх саналыг Нийтийн тээврийн газраас гаргасан бөгөөд баярын өдрүүдэд автозамын ачаалал багасах ач холбогдолтой юм. Сар шинийн баярын үеэр иргэдэд үйлчлэх нийтийн тээврийн хэрэгслийн тоог нэмэгдүүлж, эргэлтийг өөрчлөх аж.