С.Мөнхбат аварга түрүүллээXIIV жарны Баясгалан хэмээх Усан луу жилийн сар шинийн баярт зориулсан үндэсний бөхийн барилдаан амжилттай болж өнгөрлөө.Барилдаанд Монгол Улсын  даян аварга Г.Өсөхбаяр, аварга С.Мөнхбат, арслан Д.Ганхуяг, арслан Б.Ганбат, арслан Г.Эрхэмбаяр, гарьд М.Баяржавхлан, гарьд Н.Ганбаатар,  гарьд Ж.Бат-Эрдэнэ тэргүүтэй улс, аймаг, цэргийн цолтой хүчит 256 бөх уран мэхийг уралдуулсан юм. Сар шинийн барилдааныг үзэхээр төрийн 3 өндөрлөгөөс гадна мэргэжлийн сумогийн 68 дахь Их аварга Асашёрюү Д.Дагвадорж болон Даян аварга А.Сүхбат нар хүрэлцэн ирж бөх сонирхогчдоо баярлууллаа.
Ийнхүү Баясгалант хэмээх усан луу жилийн сар шинийн барилдаанд Увс аймгийн Баруунтуруун сумын харьяат, "Монголросцветмет" компанийн бөх, улсын аварга С.Мөнхбат түрүүлж, Хөвсгөл аймгийн Шинэ-Идэр сумын харьяат, "Энержи ресурс" компанийн бөх, улсын арслан Х.Мөнхбаатар үзүүрлэн, улсын харцага Ц.Содномдорж, улсын начин Б.Сангисүрэн нар шөвгөрлөө.


ТАВЫН ДАВАА:


1. С.Мөнхбат /у.ав/ - Б.Чинзориг /у.н/

2. Х.Мөнхбаатар /у.ар/ - Б.Амарзаяа /а.а/

3. Н.Ганбаатар /у.г/ - Ц.Мягмарсүрэн /у.з/

4. Ж.Бат-Эрдэнэ /у.г/ - Б.Батмөнх /у.н/

5. М.Өсөхбаяр /у.з/ - П.Бүрэнтөгс /а.а/

6. Б.Соронзонболд /у.з/ - Б.Сангисүрэн /у.н/

7. Ө.Даваабаатар /у.х/ - Ж.Чулуунбат /у.н/

8. Ц.Содномдорж /у.х/ - Б.Пүрэвсайхан /а.а/


ЗУРГААГИЙН ДАВАА:


1. С.Мөнхбат /у.ав/ - Ц.Мягмарсүрэн /у.з/

2. Х.Мөнхбаатар /у.ар/ - Б.Батмөнх /у.н/

3. М.Өсөхбаяр /у.з/ - Б.Сангисүрэн /у.н/

4. Ө.Даваабаатар /у.х/ - Ц.Содномдорж /у.х/


ДОЛООГИЙН ДАВАА:


1. С.Мөнхбат /у.ав/ - Б.Сангисүрэн /у.н/

2. Х.Мөнхбаатар /у.ар/ - Ц.Содномдорж /у.х/


НАЙМЫН ДАВАА:

1. С.Мөнхбат /у.ав/ - Х.Мөнхбаатар /у.ар/