Нийслэлийн МАН-ын хорооны тэргүүлэгчдийн хуралдаан энэ сарын 22-нд болж, Бага хурлыг товлон зарлалаа. Тодруулбал, тус хуралдаанаар нийслэлийн МАН-ын хорооны даргыг сонгох болон Бага хурлаар хэлэлцэх асуудлыг баталжээ.

Ингэснээр МАН-ын Удирдах зөвлөлөөс нийслэлийн МАН-ын Бага хурлыг ирэх сарын 21-нд хуралдуулах үүрэг өгснийг бататгасан байна. Намын дүрмээр тус хурлыг зохион байгуулахаас нэг сарын өмнө хуралдаж, хуралдааныхаа товыг зарлах дүрэмтэй аж. Ийнхүү шийдвэр гаргаснаар ирэх сарын 21-нд болох хуралдаанаар нийслэлийн МАН-ын хорооны даргыг сонгохоос гадна бүтэц, зохион байгуулалтын асуудлыг хэлэлцэн шийдвэрлэх юм байна.

М.ӨЛЗИЙ