Олимпийн бэлтгэлдээ гарах гэж байгаа буудлагын шигшээ багийн тамирчдад нийт 150 хувцас хэрэглэл өгөхөөр болжээ. Тамирчдаас олимпийн мөнгөн медальт, МУ-ын хөдөлмөрийн баатар, Гавьяат тамирчин О.Гүндэгмаа, ОУХМ Н.Баяраа нар олимпийн эрхээ аваад байгаа аж. Тамирчид бэлтгэл хангагчаа ч шигшээ баг дотроосоо аль хэдийнээ сонгожээ.
Тэд 3-р сарын 4-ний өдөр Польш улсыг зорихоор болжээ. Харин 7-ны өдөр Польш улсад болох гранпри тэмцээнд онч мэргэнээ сориод тэндээ 2 сар гаруй хугацаанд хамтарсан бэлтгэлд хийхээр төлөвлөжээ. Тамирчид Английн Лондон хотноо 4-р сарын 17-29-ний өдрүүдэд болох Дэлхийн цомын тэмцээнд өрсөлдөнө.

Энэ үеэр зуны 30-р олимп болох орны орчин нөхцөл, агаар, цагийн зөрүүтэй сайн танилцах зорилготой юм байна. Мөн үүний дараа Герман улсын Берлинд болох буудлагын тэмцээнд оролцох гэнэ.