EMEGTEICHUUD.mn үндэсний цахим сэтгүүлийн хамт олон ирж яваа урин цаг, удахгүй болох эмэгтэйчүүдийн баярыг угтан “АЗ ЖАРГАЛЫН АЯЛАЛ”- ыг зохион байгуулахаар болжээ.

EMEGTEICHUUD.mn үндэсний цахим сэтгүүлийн хамт олон ирж яваа урин цаг, удахгүй болох эмэгтэйчүүдийн баярыг угтан “АЗ ЖАРГАЛЫН АЯЛАЛ”- ыг зохион байгуулахаар болжээ.
Цахим сэтгүүлийнхэн нийгмийн сал бар бүрт манлайлагч, эрч хүчтэй, өөртөө итгэлтэй, ихийг хийж бүтээх чин хүсэлтэй 108 эмэгтэйтэйн хамт Богд хан уулын ноён оргил Цэцээ гүн рүү энэ сарын 4-нд гарна.
Уг аялалд оролцох 108 эмэгтэй нь Манзуширын хийдээс Цэцээ гүний оргил хүртэл Богд гэгээний мөргөлийн жимээр явах юм байна. Мөн дэлхийн зулай хэмээн нэрлэгдсэн Эверестийн оргилд төрийнхөө далбааг мандуулсан анхны эмэгтэй, Монгол Улсын Гавъяат тамирчин, уулчин Б.Гангаамаагийн удирдлаган дор нэгэн баг болж хэзээ ч мартагдашгүй дурсамжтай өдрийг өнгөрүүлэх аж.
Цэцээ гүний оргил нь далайн түвшнээс дээш 2258 метр өндөрт өргөгдсөн төрийн тахилгатай уул юм. EMEGTEICHUUD.mn нь хэвлэл мэдээллийн салбар тэр дундаа цахим мэдээллийн орчинд өөрийн гэсэн өнгө төрхтэй, орон зайгаа бий болгоод тун удаагүй бөгөөд бүх насны эмэгтэйчүүдэд зориулсан үндэсний агуулгатай цахим сэтгүүл гэдгээрээ онцлог юм байна.