НӨАТ-ын урамшууллын 2018 оны аравдугаар сарын сугалааны тохирол өчигдөр болж, супер азтан тодорсонгүй. Тохиролд 2018 оны есдүгээр сарын 1-ээс 30-ны өдөр хүртэл хугацаанд худалдан авалт хийсэн, аравдугаар сарын 20-ны өдрийн 00.00 цагаас өмнө Цахим төлбөрийн системд бүртгүүлсэн баримтуудаас шалгаруулжээ.

Энэ удаагийн тохирлоор нийт 21368 азтан тодорсноос 18107 нь Улаанбаатар хотоос тодорчээ. Супер азтан тодроогүй бөгөөд таван сая төгрөгийн эзэн 20, нэг сая төгрөгийн эзэн 215, 200 мянган төгрөгийн эзэн 1895, 50 мянган төгрөгийн эзэн 19237 тодорсон байна.