Сүүлийн үед олон улсын байгууллагын дарга, ажилтны нэрийг барьсан залилангийн хэрэг хэд хэдэн удаа гарчээ. 

Тодруулбал, ЖАЙКА олон улсын байгууллагын ажилтан хэмээн өөрийгөө итгүүлж “ЖАЙКА-аас хэрэгжүүлж буй төсөл хөтөлбөрт хамруулж мөнгөн тусламж өгнө” гэх зэргээр худал хэлж, хувь хүнээс бүртгэлийн хураамж болон шан харамж нэрийдлээр дансандаа мөнгө шилжүүлж авсан залилан гарчээ. 

ЖАЙКА-ийн Монгол дахь Төлөөлөгчийн газар болон ЖАЙКА-ийн төслүүд нь ямар ч тохиолдолд хувь хүнээс утсаар болон бусад арга замаар мөнгөн төлбөр шилжүүлэхийг шаарддаггүй болно. Хэрэв энэ мэтчилэн тан руу утсаар ярьсан тохиолдолд, сонор сэрэмжтэй байж мөнгө шилжүүлэхгүй байхыг анхааруулж байна. 

ЖАЙКА-ийн Монгол дахь Төлөөлөгчийн газар