Ойрхи Дорнодын дөрвөл буюу НҮБ, Европын холбоо, АНУ, ОХУ уулзаж бүс нутагт тулгамдаад буй асуудлуудыг хэлэлцэнэ гэж НҮБаас мэдэгдэв. Ойрхи Дорнодын асуудал хариуцсан олон улсын дөрвөлийн төлөөлөгчид өнөөдөр буюу даваа гаригт Нью-Йорк хот дахь НҮБ-ын төв штабт хүрэлцэн ирэх аж. Өнгөрөгч есдүгээр сараас хойш уулзалдаагүй Ойрхи Дорнодын дөрвөл энэ удаагийн уулзалтаар Иран, Сирийн асуудлаар түлхүү ярилцах гэнэ. Ойрхи Дорнодын дөрвөл нь Израиль-Палестины мөргөлдөөнийг энхийн замаар шийдвэрлэхийн тулд 2002 онд байгуулагдаж байжээ.