Энэ сарын 12-нд Швейцарийн Женев хотод НҮБ-ын Хүний эрхийн зөвлөлийн тусгай илтгэгч Марзуки Дарусман 47 орны төлөөлөгчдөд тайлан тавьж Сири, Иран, Хойд Солонгос зэрэг хэд хэдэн оронд хүний эрх зөрчигдсөнийг дурджээ. Ноён Дарусман энэ тайланд өнгөрөгч оны есдүгээр сараас энэ оны нэгдүгээр сар хүртэлх хугацаанд болсон хүчирхийлэл, хүний эрх зөрчсөн явдлыг оруулсан гэж хэлжээ. Дээрх мэдэгдлийн дараа Хойд Солонгосын төлөөлөгч Со Се-Пёнг Хүний эрхийн зөвлөлийн мэдээллийг хүлээн зөвшөөрөхгүй байгаагаа мэдэгдэн 500 орчим төлөөлөгч цугласан танхимыг орхин гарчээ. Тэрбээр танхимыг орхин гарахдаа хаалганы ойролцоо Өмнөд Солонгосын төлөөлөгчтэй таарчээ. Хойд Солонгосын бухимдсан төлөөлөгч өмнөдийн төлөөлөгчийг хэл амаар доромжлон улмаар зодоон үүсгэжээ. Аюулгүйн албаны ажилтнууд иртэл зодоон үргэлжилсэн гэнэ. Умардын төлөөлөгчийг хэсэг хугацаанд саатуулсны дараа сулласан байна.