Өнгөрсөн сарын байдлаар хөдөлмөр эрхлэлтийн байгууллагад 33.9 мянган иргэн ажил хайж бүртгүүлсэн байна. Үүний 24 мянга нь бүртгэлтэй ажилгүй иргэн аж. Харин 9.9 мянга нь ажилтай боловч өөр ажил хайж байгаа гэнэ. 

Ажилгүй иргэдийн 30 хувь нь дээд боловсролтой юм байна. Тэгвэл 47.7 хувь нь бүрэн дунд, 6.9 хувь нь техникийн болон мэргэжлийн, 1.1 хувийг магистр, докторын зэрэгтэй иргэн эзэлж байгаа аж. Мөн улсын хэмжээнд бүртгэлтэй ажилгүй 406 хөгжлийн бэрхшээлтэй иргэн байна. Үүний 48 хувь буюу 198 нь эмэгтэйчүүд байна.