Хугацаа сунган үргэлжилж байгаа УИХ-ын ээлжит бус чуулганы нэгдсэн хуралдаан Ерөнхийлөгч Х.Баттулгын санаачилж, өргөн барьсан Шүүгчийн эрх зүйн байдлын тухай хуульд нэмэлт, өөрчлөлт оруулах тухай хуулийн төслийг хэлэлцэж байна. Хэлэлцэж байгаа асуудалтай холбогдуулан гишүүд асуулт асууж, байр сууриа илэрхийлж байна. 

Дөнгөж сая  УИХ дахь АН-ын бүлэг чуулганы нэгдсэн хуралдааныг орхин гарлаа. Тэд тайлбарлахдаа энэхүү хэлэлцэж байгаа хуулийн төслийг УИХ-ын онцгой бүрэн эрхэд халдаж байна гэж үзэж байгаагаа хэллээ. Тиймээс чуулганы нэгдсэн хуралдаанд оролцох боломжгүй гэдгийг УИХ дахь АН-ын бүлгийн дарга Д.Эрдэнэбат хэлж  хурлыг орхин гарав.