Ч.Базарсүрэн дасгалжуулагчтай пара жүдочид энэ сарын 21-нд Герман Улсыг зорино. Тус улсад гурав хоног үргэлжлэх олон улсын нээлттэй тэмцээний эмэгтэйчүүдийн 52 кг-д П.Болортуяа, эрэгтэйчүүдийн 60 кг-д Б.Ууганхүү, 66 кг-д А.Мөнхбат, 90-д Д.Ганбат, -100- д Д.Очирхуяг нар зодоглох ажээ. Мөн багийн эмч болон албаны хүмүүс уг бүрэлдэхүүнд багтаж байгаа юм. Тэмцээний дараа манай пара жүдочид Францаас ирүүлсэн урилгын дагуу энэ улсад хамтарсан бэлтгэл хийх гэнэ.