Оросын Гадаад Хэргийн Сайд Сергей Лавров Олон улсын Улаан Загалмайн нийгэмлэгтэй хамтарч, Сирийн ард түмний сайн сайхны төлөөх үйлст нэгдлээ.

Оросын Гадаад Хэргийн Сайд Сергей Лавров Олон улсын Улаан Загалмайн нийгэмлэгтэй хамтарч, Сирийн ард түмний сайн сайхны төлөөх үйлст нэгдлээ. Ноён Лавров өчигдөр Москва хотноо Нийгэмлэгийн Ерөнхийлөгч Жакоб Келленбергертэй уулзаж ярилцсан байна. Тэрээр Сирийн Ерөнхийлөгч Башар ал Ассад болон сөрөг хүчнийхний ард иргэдийнхээ эсрэг турхирсан цуст халдлагат өртөж, шархдагсдад хүмүүнлэгийн тусламж үзүүлэх хүсэлтээ илэрхийлжээ.
НҮБ-ын Аюулгүйн ЗөвлөлийнСирийн Ерөнхийлөгч Башар ал-Ассадын хүчирхийлэл, түрэмгийлэл, цуст халдлагыг эсэргүүцсэн хоёр ч саналд хориг тавиад байсан Орос улсын хувьд энэ удаад ийнхүү тэмцэлд нэгдсэн байна. Улаан загалмайн нийгэмлэгийн дарга Сиритэй ойрын холбоотой улс гэгддэг Оросын тус саналыг уриалгахан хүлээж авсан бөгөөд энэ нь Ассадыг хүчирхийлэл, халдлага дайралтаа зогсоох НҮБ-ын Аюулгүйн Зөвлөлийн хүсэлтийг хүлээн авахад нөлөөлнө гэдэгт итгэж буйгаа хэлсэн байна.
Олон Улсын  Улаан загалмайн нийгэмлэг байнгын халдлага дайралттай нүүр тулж байгаа Хомсын ард иргэдэд хүмүүнлэгийн тусламж үзүүлж, шархдсан оршин суугчдыг нэн даруй эмнэлэгт хүргэх арга хэмжээг авч байгаа ажээ.