Шүүхийн шийдвэр гүйцэтгэх ерөнхий газрын харьяа хорих 461 дүгээр ангид хоригдож байсан С.Төмөр гэгч этгээд энэ сарын 19-нд оргосон тухай бид өмнө мэдээлсэн. Оргосон этгээдийг өнөөдөр өглөө 06.00 цагийн үeд Замын-Үүд боомтоор ачааны вагонд нуугдан хил гарах гэж байхад нь Төмөр замын цэрэгжүүлсэн харуулын ажилтнууд барьсан байна.

Тэрээр Эрүүгийн хуулийн тусгай ангийн 12.1 дүгээр зүйлийн 4 дэх хэсэгт заасан гэмт хэрэгт холбогдон 2019 оны тавдугаар сарын 3-ны өдрөөс яллагдагчаар татагдан Цагдан хорих 461 дүгээр ангид хоригдож байсан юм.

Тухайн этгээд нь Эрүүгийн хуулийн тусгай ангийн 12.1 дүгээр зүйлийн 4 дэх хэсэгт заасан гэмт хэрэгт холбогдсон, өмнө нь 3 удаагийн ял шийтгэлтэй нэгэн аж.