Цэцэрлэгийн бүртгэл энэ сарын 22-нд эхэлнэ
- 2019-07-18
- Улаанбаатар
- 0
2019-2020 оны хичээлийн жилийн цэцэрлэг бүртгэж эхлэх гэж байгаатай холбогдуулан дараах зөвлөмжийг хүргэж байна.
- Шинээр элсэх хоёр болон бусад насны хүүхдүүдийн цахим бүртгэл энэ сарын 22-ны 09:00 цагаас наймдугаар сарын 22-ны 23:59 цаг хүртэлх хугацаанд явагдана.
- Шинээр элсэх хоёр болон бусад насны хүүхдүүдийн “Цахим элсэлт”-ийн үйл ажиллагаа ирэх сарын 23-ны 10:00 цагт цэцэрлэг тус бүр дээр нэгэн зэрэг эхэлнэ.
- Өмнөх хичээлийн жилүүдэд элссэн хүүхдүүд бүртгэл шалгах хугацаа энэ сарын 22-ноос ирэх сарын 22-ныг хүртэл үргэлжилнэ.
- Шинээр болон өмнөх хичээлийн жилүүдэд элссэн хүүхдүүдтэй гэрээ байгуулах, сунгах үйл ажиллагаа ирэх сарын 26-наас 28-ны өдрүүдэд болно.
- Тусгай, сувиллын, 24 цагийн цэцэрлэгт шинээр элсэх болон зорилтот бүлгийн, багш, ажилчдын хүүхдүүдийн бүртгэл ирэх сарын 26-28-нд, ажлын цагаар тус тус зохион байгуулна.
- “Цахим элсэлт”-ийн үр дүнгийн мэдээллийг эцэг эх, асран хамгаалагч нарын утсанд мессежээр илгээнэ.
- Цахим элсэлт дууссаны дараа шинээр бүртгүүлсэн хүүхдийн бүртгэлийг www.tsetserleg.ulaanbaatar.mn-ийн “Шалгах” цэс рүү орж бүртгэлийн дугаараа хийж хамран сургах тойргийн цэцэрлэгтээ орсон эсэхийг шалгах боломжтой юм байна.
Сэтгэгдэл (0)