Венесуэлийн Ерөнхийлөгч Уго Чавес Кубыг дахин зорихоор болжээ. Зүүний үзэлт удирдагч У.Чавес ойрын холбоотон Кубад өнгөрөгч оноос хойш хорт хавдрын эмчилгээ хийлгэж байгаа бөгөөд хамгийн сүүлд өнгөрөгч хоёрдугаар сарын 26-нд хавдар авахуулах мэс засалд орсон юм.
Гэсэн ч түүний бие дахин муудаж Кубын нийслэл Гавана хотын төв эмнэлгийг зорихоор болсон байна. У.Чавес энэ удаад 4-5 долоо хоногийг тус хотод эмчилгээ хийлгэж өнгөрүүлэх аж. Өдгөө 57 настай, Латин Америкийн хамгийн нөлөөтэй удирдагчийг хүнд хэлбэрийн хорт хавдар туссаныг түүний улстөрийн өрсөлдөгчид мэдээлсэн ч тэрбээр үгүйсгэсээр байгаа юм.
1999 оноос хойш Венесуэлийн төрийн тэргүүнээр ажилласан У.Чавес хорт хавдрын улмаас ирэх аравдугаар сарын 7-нд болох Ерөнхийлөгчийн сонгуульд ялагдаж магадгүй байна.