Афинд гадаадын 2000 иргэнийг баривчилжээ Грекийн эрх баригчид хууль бус цагаачидтай тэмцэх аян өрнүүлжээ. Нийслэл хотод өрнөсөн дөрвөн өдрийн аяны үеэр цагдаа нар 2000 орчим гадаадын иргэнийг баривчилсан байна. Цагдаа нарын мэдээлснээр гадаадын 1918 хүний 420-оос нь визний хугацаа хэтрүүлсэн, хулгай, дээрэм хийсэн, хар тамхи биедээ авч явсан зэрэг зөрчил илэрчээ. Тус улс өнгөрөгч гуравдугаар сард цагаачдын бодлогоо чангаруулсан юм. Европын холбооны хүсэлтээр Афины эрх баригчид ийм шийдвэр гаргажээ. Учир нь цагаачид Европын холбооны хамгийн буурай хөгжилтэй орон Грекээр дамжин барууны хөгжингүй орнуудад зорчдог байна.