Хятадын Байгалийн баялаг, газрын яамнаас 50 гаруй хотын газрын давхаргад явуулсан судалгаа саяхан дуусчээ. Тус улсын томоохон хотуудын байшин барилгад суулт өгч эхэлсэнтэй холбогдуулан хийсэн энэхүү судалгаагаар Хятад Улсын газар нутаг аажмаар доош сууж байгаа нь ил болжээ. Албаныхны мэдээлснээр 79 мянган метр хавтгай дөрвөлжин талбайд суулт хамгийн их явагдаж байгаа бөгөөд зарим газраа 200 гаруй миллиметрээр доошилжээ. Уг талбай манай урд хөршийн томоохон хотуудад хуваагдаж байгаа бөгөөд Бээжин, Тяньжин, Ханжоу, Сиань хот суултад хамгийн их өртжээ.