Өнгөрсөн ням гараг буюу нэгдүгээр сарын 19-ний шөнө таксины жолоочид зодуулж, хүчиндүүлж, эд зүйлээ алдсан хэрэг гарсан. Тодруулбал, Баянзүрх дүүргийн Жуковын музей орчмоос таксинд суусан 23 настай эмэгтэйг таксины жолооч цохиж унаган, хүчирхийлж улмаар хоёр ширхэг гар утас, бэлэн мөнгө зэргийг дээрэмдээд орхиж явсан талаар цагдаагийн байгууллагаас мэдээлсэн.

Тэгвэл Баянзүрх дүүрэг дэх цагдаагийн Гуравдугаар хэлтсийн алба хаагчид хэрэг үйлдсэн этгээдийг илрүүлэн баривчилжээ. Хохирогч тухайн үед согтууруулах ундааны зүйл хэрэглэсэн байсан бөгөөд машиных нь ард унтсан байсан аж.