Дэлхийн зургаан орон ирэх бямба гарагт Туркын Истанбул хотноо Ираны цөмийн хөтөлбөрийн асуудлаар Ирантай яриа хэлэлцээр хийхээр болсон байна.

Дэлхийн зургаан орон ирэх бямба гарагт Туркын Истанбул хотноо Ираны цөмийн хөтөлбөрийн асуудлаар Ирантай яриа хэлэлцээр хийхээр болсон байна. 2011 оны нэгдүгээр сараас хойш яригдаж эхэлсэн ч, зөвшилцөлд хүрч, төдийлөн чадахгүй хойшилсоор байгаа яриа хэлэлцээрийг шинэ шатанд гаргаж ирэхээр талууд ийнхүү уулзахаар болсон тухай Европын Холбооны хэвлэлийн төлөөлөгч Катерине Аштон мэдэгдлээ.
Олон улсын хамтын нийгэмлэгээс цөмийн хөтөлбөрөө зогсоохгүй байгаа Ираны эсрэг хориг арга хэмжээ авахыг шаардсаар байгаа билээ.
Талууд уулзалтын үйл явцыг урьдчилан төлөвлөөд байгаа бөгөөд яриа хэлэлцээрийг цөөхөн өдөр үргэлжлүүлэхийг зэхэж байгаа гэлээ. Яриа хэлэлцээрийг зохион байгуулахаар товлосон орон асуудал үүсгэж болзошгүй хэмээн тэд үзэж байгаа бөгөөд Ираны тал Туркэд тус ажиллагааг зохион байгуулж байгаад дургүйцэж байгаа юм. Учир нь Турк АНУ, Европын улс орнуудыг дэмжигч улс төдийгүй, Ираны ойрын холбоотон улс Сирийн Ерөнхийлөгч Башар ал Ассадыг огцрохыг шаардсан хэмээж байгаа аж.