Тавдугаар сарын найманд гарсан хээрийн түймрийг унтраахаар явсан Онцгой байдлын хэлтсийн гал сөнөөгч 24 настай А.Болорсүхийн биеийн байдал муудаж монголд эмчлэгдэх боломжгүй болсон тул БНСУ-ыг зорьжээ. Тэрбээр Сөүл хотын Халлим их сургуулийн харъяа Ханганг Соншим эмнэлгийн түлэнхийн төвд өнгөрсөн тавдугаар сарын 23-ны өдөр хүргэгдэн ирэхэд эмч нар тэр даруй түүнд хагалгаа хийжээ. Монголоос очихдоо түүний бие 60 хувийн түлэгдэгдэлтэй буюу 3-4 зэргийн түлэгдэлтэй, бөөрний дутагдлын улмаас цус нь бохирдсон байжээ. Хагалгааны үед өвчтөний биед өвдөлт маш ихээр мэдрэгдэх тул морфин байнгын хийлгэж байсан байна. Харин хагалгаа хийснээс 13 хоногийн дараа түүний биеийн байдал эрс сайжирч хоолоо хэвийн идэж мөн ярьж байгааг эмч нар хэлжээ. Түүнд түлэгдэж үхэжсэн хэсгийн арьсыг нь тайрч арьс нөхөн суулгах, түлэгдсэн хэсгийг угаах болон бохирдсон цусыг нь цэвэршүүлэх зэрэг нийт гурван мэс засал хийгээд байгаа бөгөөд сүүлийн дөрөв дэх мэс заслыг удахгүй хийснээр эмнэлгээс гарах боломжтой гэнэ.