Үр шилжүүлэн суулгах, хуруу шилний хүүхэд “төрүүлэх” технологи нэвтрүүлснээрээ Монголдоо анхдагч “Баянгол” эмнэлгийн талаар дуулсан уу. Монголдоо шинэлэг бас анхдагч ч хэдийнэ үйлчлүүлэгч нь болсон уншигч олон байхыг үгүйсгэхгүй. Учир нь, анхдагч энэ эмнэлэг өнгөрөгч бямба гаригт 15 жилийнхээ ойг тэмдэглэж байхтай нь таарсан юм. Энэ хугацааны хуримтлуулсан туршлага, бүтээсэн амжилт нь үйлчлүүлэгч, эмчлүүлэгчийн их, багаас шалтгаалах болохоор тийн бодлоо. Ойн арга хэмжээнд тус эмнэлгийн үүсгэн байгуулагч “Баянгол медикал групп”-ын ерөнхийлөгч Монгол Улсын Гавъяат багш, АУ-ы доктор, профессор М.Сүхбаатар гээд эрүүл мэндийн салбар дахь найз нөхөд, ойр дотныхон нь оролцож байна. Анх 1997 онд “Өрнө Дорны Засал” нэртэй байгуулж, 2002 онд “Баянгол” эмнэлэг болон өргөжин, АмбулаториСтационарийн төрөлжсөн нарийн мэргэжлийн үзлэг, оношлогоог мэргэжлийн өндөр түвшинд чанартай хийж гүйцэтгэж байна. Олон улсын жишигт нийцсэн цахим эмнэлэг болгохын төлөө ажиллаж байгаа аж. Одоогоор гадаад, дотоодын томоохон их, дээд сургуулиудыг төгссөн бүх чиглэлийн клиникийн дадлага туршлагатай зөвлөх болон тэргүүлэх зэргийн 60 гаруй эмч, эмнэлгийн дунд мэргэжлийн ажилтан тус эмнэлгийн хамт олныг бүрдүүлж байна. Ингэхдээ эмчилгээ үйлчилгээний чанарыг тогтвортой байлгах үүднээс тасаг нэгжийн зохион байгуулалттай ажилладаг ажээ. Тухайлбал, Нэгдсэн лаборатори, Үр шилжүүлэн суулгах төв, Хүүхдийн эмнэлэг, Хэвтэн эмчлүүлэх тасаг, Уламжлалт-Нөхөн сэргээх эмчилгээ, Амбулаторийн үзлэг, Эмийн сан зэрэг тасагтай юм байна. Ойн арга хэмжээний үеэр “Баянгол” эмнэлгийг үүсгэн байгуулагч М.Сүхбаатараас дараах асуултад хариулт авлаа.