Азийн нүүр амны урьдчилан сэргийлэлтийн академийн хурлыг энэ сарын 14-16- нд Улаанбаатар хотод зохион байгуулахаар болжээ. Хуралд гадаадын 27 орны дэлхийд танигдсан тэргүүлэх эрдэмтэн, профессорууд урилгаар оролцон лекц уншихаас гадна гадаадын 300 гаруй төлөөлөгч, дотоодын 500 гаруй эмч эмнэлгийн ажилтан оролцож туршлага солилцох ажээ.
Олон улсын шүдний мэргэжилтнүүдийн холбооноос жил бүр зохион явуулдаг Азийн нүүр амны урьдчилан сэргийлэх академийн \АНАУСА\ олон улсын IX их хурал Малайзын Куала Лампур хотод өнгөрсөн оны арваннэгдүгээр сард болсон. Тус хурлаар ЭМШУИС-ийн Нүүр ам судлалын сургуулийн захирал анагаах ухааны доктор, профессор Б.Амарсайхан академийн ерөнхийлөгчөөр сонгогдож, АНАУСА-ийн 10 дахь удаагийн хурлыг зохион байгуулах эрхийг манай улс авсан билээ.