Эрүүл мэндийн яам, Азийн хөгжлийн банкны “Эрүүл мэндийн салбарын хөгжил-4” төсөл хамтран “Эмийн гаж нөлөөг бүртгэн мэдээлэх үйл ажиллагаа, ач холбогдол” сэдэвт хоёр хоногийн сургалтыг зохион байгуулав. Сургалтад эмнэлгийн “Эмийн эмчилгээг зохицуулах хороо”-ны 40 гаруй эмч, эм зүйч мэргэжилтнүүд оролцсон байна.
“Эмийн эмчилгээг зохицуулах хороо”- ны сургалт нь гишүүдэд эмийн гаж нөлөөг бүртгэн мэдээлэх, үнэлэх суурь мэдлэг олгох, гаж нөлөөг мэдээлэх хандлагыг төлөвшүүлэх зорилготой ажээ. Мөн энэ үеэр дээрх төслийн олон улсын зөвлөх Нидерланд Улсын Фармаковижилансын төвийн мэргэжилтнүүд хичээл заасан байна.