Үндэсний статистикийн хорооноос гаргасан үзүүлэлтээр улсын хэмжээнд өнгөрөгч найман сард 49217 эх амаржиж, амьд төрсөн хүүхдийн тоо 49439 болжээ. Энэ нь өмнөх оны мөн үеийнхтэй харьцуулбал амаржсан эхийн тоо 3076, хүүхдийн тоо 3092 хүүхдээр буюу 6.7 хувиар нэмэгдсэн байна.
Мөн энэ оны эхний найман сард нялхсын эндэгдэл 773 болж, өмнөх оны мөн үеийнхээс 0.6 хувь, 1-5 хүртэлх насандаа 164 хүүхэд эндэж, өмнөх оны мөн үеийнхээс 4.1 хувиар буурчээ.