Гоолиг сайхан биетэй болохыг хүсэгсэд одоо хоолоо сойж өөрийгөө тарчилгах хэрэггүй боллоо. Мөн хамаг хөлсөө шавхан фитнесээр хичээллэх ч дэмий гэнэ. Орчин үед аймшгийн кино үзээд л турдаг болжээ. Их Британий Вестминстерийн их сургуулийн эрдэмтэд дуулиантай нээлт хийлээ. Тэд сайн дурынхан дээр туршилт хийж, аймшгийн кино үзүүлсэн байна. Энэ үеэр туршилтад оролцогсдын зүрхний хэмнэл, хүчилтөрөгчийн хэрэглээ, нүүрсхүчлийн хийн ялгарал гээд амьдралын бүхий л үзүүлэлтийг нарийн сайн тэмдэглэж авчээ. Туршилтын дүн тун санаандгүй гарчээ. Өөрөөр хэлбэл аймшгийн кино илүүдэл жингээс салгадаг гэнэ. Хамгийн гол нь кино маш аймшигтай байх ёстой. Хичнээн аймшигтай байна, та төчнөөн хэмжээний илчлэг шатааж турна шүү дээ. Аймшгийн кино үзэх нь унтраасан дэлгэцийн өмнө суухаас илүү буюу 35%-иар илүү калори “шатаана”. Тэр бүү хэл аймшгийн кинонд дурлагсад 90 минутын турш тасралтгүй үзэхэд 113 калори зарцуулдаг аж. Хагас цаг явган алхахад иймэрхүү байдлаар жин буурна. Турахад хамгийн тустай кино бол "Эрүү" (161 калори), мөн "Экзорцист" (158 калори) гэнэ.