Худалдаа, эдийн засаг, шинжлэх ухаан, техникийн хамтын ажиллагааны Монгол, Лаосын Засгийн газар хоорондын Комиссын ээлжит 9 дүгээр хуралдаан Гадаад харилцааны яаманд боллоо. ЗГХК-ын хуралдаанаар Монгол Улс, БНАЛАУ-ын найрсаг харилцаа, хамтын ажиллагааг бэхжүүлэх, эдийн засгийн агуулгаар баяжуулах, харилцан ашигтай хамтын ажиллагааг өргөжүүлэх асуудлуудаар хоёр тал санал солилцон ярилцав. Монголын тал хоёр орны эрүүл мэндийн салбар дахь хамтын ажиллагааны бэлгэдэл болсон “Монгол-Лаосын Найрамдал” эмнэлэгт монгол эмч нарыг ажиллуулдаг уламжлалыг хадгалах, цаашид нарийн мэргэжлийн эмч нарыг түлхүү ажиллуулах талаар лаосын талтай хамтарч ажиллахаар тохирлоо. Энэ удаагийн Монгол, Лаосын ЗГХК-ын хуралдаан нь хоёр орны худалдаа, эдийн засаг, хөдөө аж ахуй, соёл, боловсрол, соёл, шинжлэх ухаан, техникийн салбарын хамтын ажиллагааг өргөжүүлэхэд чухал түлхэц болсон гэдгийг зохион байгуулагчдын зүгээс үзлээ.