Хууль зүйн сайд Х.Тэмүүжин Төрийн тусгай албан хаагчдын нэгдсэн эмнэлгийн барилгын захиалагчаар Хил хамгаалах газрын ажилтан С.Нэргүйбаатарыг томилсон. Тэгвэл өчигдөр албаны мэргэжилтнүүд өргөтгөлийн барилгыг албан тасалгаа болгох зорилтойгоор тус эмнэлэгтэй танилцаад буцжээ. Энэ талаар бага эмч Т.Чогжмаагаас тодрууллаа.

-Эмнэлгийн барилгыг албан тасалгаа болгох ажлын хэсэг ирж, нөхцөл байдалтай танилцсан. Барилгын ажилд аудит хийх зорилготой юм билээ. Манай эмнэлгийнхэн Хууль зүйн яамны Санхүү, хөрөнгө оруулалтын газрын дарга Дамбийнямаас ямар зорилготой ирснийг нь лавлахад “ажлаа хийж байна” гээд халгаагүй. Тэгснээ Хууль зүйн яам уруу эмнэлгийнхэн намайг барьцаалаад байна гэж утасдсан. Бид хэнийг ч барьцаалаагүй юм шүү. Захиргааны хэргийн шүүхэд хандаж, өндөр албан тушаалтнуудад өргөдөл гаргаж, хариу нь хараахан ирээгүй байхад хууль бусаар ажиллаж болохгүй гэдгийг л хэлсэн. Эмнэлгийн барилгаа тэдэнд алдахгүйн тулд тэмцсэн.

-Бид Дамбийням гэдэг хүнийг ямар зорилгоор ирснийг л мэдэхийг хүссэн. Тэр хүн бидний асуултад хариулахыг хүсээгүй. Тэгэхээр нь зорилгоо хэлэхгүй бол гаргахгүй гээд хаалгаа хаачихсан юм. Дамбийням гуай төрийн өндөр алба хашдаг хүн байж асуудлыг ойлгомжтойгоор тайлбарлах чадвартай байх ёстой. Гэтэл бидний ажил гэхээс өөр зүйл хэлэхгүй байсан.

-Манай Үйлдвэрчний хороо 1945 онд байгуулагдсан. Үйлдвэрчний эвлэлийн гэрчилгээгээ 2004 онд авсан. Ажилчдынхаа эрх ашгийг хамгаалдаг албан ёсны байгууллага. Гэтэл Х.Тэмүүжин сайд эмнэлгийг яагаад Үйлдвэрчний хороотой байхыг эсэргүүцээд байгааг ойлгохгүй байна.